Herritarrei gonbitea eginez ireki zuen azoka Zabalak

Bi mezu zabaldu zituen atzo Antton Zabala eskalatzaile hernaniarrak  Garagardo Azo­karen irekieran. Gustora jan eta edan, eta ondo pasa­tzeko gonbitea egin zuen, alde batetik. Eta bestetik, Hernaniko errugbi taldea ani­matzen eta babesten ja­rraitzeko dei egin zien herritarrei.
Antton Zabala izan da aurten errugbi taldeak aukeratu duen pertsona, Gara­gardo Azoka irekitzeko. Rafa Larretxeak, eskalatzaile gaztearen lorpenak azpimarratu zituen. Besteak beste, iaz, Euskal Herriko txapelduna izan zen kirol eskaladan eta baita boulderrean ere. Aur­ten, berriz, Espainia mailan hainbat Rally irabazi ditu.
 
Gauerdira arte, egunero
Garagardo azokak atzo ireki zituen ateak eta igandera arte izango da zabalik. Gaur, arratsaldeko 19:00etatik au­rre­ra izango da zabalik. Bihar eta etzi be­rriz, eguerditik izango da zabalik, 13:00e­tatik. Kasu guztietan gauerdira arte egon da irekita.
Hamar garagardotik gora eta ohiko jakiak izango dira aukeran. Aurten, Keler izan da azokako hornitzailea.