SEDAT Tore, Semdinliko alkatea, Hernanin izango da gaur. Hernanik 2013ko apirilaren 30ean izandako Plenoan erabaki zuen udalerri Kurduarekin senidetzea.
Gaurko bisitaren helburua da, senidetze hori sendotzea, eta dokumentua sinatzea. Hernani eta Semdinliko bi ordezkari gorenak 12:30etan elkartuko dira Udaleko Pleno aretoan, dokumentua sinatzeko.
Semdinliko alkatea ez da bakarrik etorri Hernanira; gaurko bisitan beste hiru ordezkari izango ditu lagun: Fadil Bedirhanoglu Hakkariko alkatea, Ahmet Ertak GABBeko Idazkari Orokorra eta Zerin Türk GABBeko Kanpo Harremanetarako Koordinatzailea.
Ongi etorria, arratsaldean
Bestalde, hernaniarrek Kurduen berri izan dezaten eta alderantziz, ongi etorria antolatu dute gaur arratsaldean; Udalean izango da, 19:00etan, eta hernaniar guztiak gonbidatu dituzte, bertaratzera.