igande goizean, 10:30ak aldera iritsi zen Wukrora Hernaniko udal ordezkaritza: Luis Intxauspe alkatea eta Glori Mendinueta zinegotzia. Paraje haiek ondo ezagutzen dituzten Mertxe Jimenez eta Andoni Oiartzabal izango dituzte bidelagun, Hernani Wukrorekin GKEko bi ordezkariak.
Harrera, iritsi
bezain laister
Wukrora iritsi bezain laister, eta Angel Olaranekin batera, Wukro hiriko Alkateak, Hirigintza arduradunak eta Garapen arduranak ongi etorria egin zieten. Harrera ofiziala ordea, Wukro herrian izan zen, komitiba haundia zuten bertan zain, ongi etorri koloretsua eta alaia egiteko prest: bertako eta landa eremuetako ordezkariak, musikariak, abeslariak, herritarrak... Ongi etorriak bidea egin zien Angel Olaran dagoen St Mary misioraino.
Bi helburu
Hernaniko lau ordezkariak astebetez egongo dira Wukron, bi helbururekin. Batetik, bertako administrazioarekin hitzarmena sinatzea, Wukroko eta Hernaniko gazteen arteko harremana sortu eta sendotzeko, eta elkartasuna, berdintasuna eta aniztasuna bezalako baloreak lantzeko. Eta bestetik, bertako herria, egoera, eta batez ere eskolak, gazteak eta hauen interesak ezagutzeko.