Azkenean, Ereñotzuk badu bere frontoia

Aspaldiko  eskaera izan da Ereñotzuarren artean pelotalekua izatea eta atzotik errealitatea da. 7 hilabete eta erdiko lanen ostean, erabil­tzeko pron­to dago. Inaugu­ra­­zio ekitaldia atzo egin zuten Auzo Udaleko kideek eta Imanol Lizeaga auzo alkateak adierazi zuen oso gustora daudela emaitzarekin. «Pelota plaza bertako neurrira egokitu du­gu. Estalia da, eta era berean, irekia, pelotan aritzeko bakarrik ez, auzoko beste ekintzetarako ere balio dezan». Proiektua aurrera eramateko jasotako diru laguntzak eta babesa ere eskertu zituen.

Bertakoak protagonista
Atzoko ekitaldian, Iñaki Ze­laia eta Unai Agirre bertsotan aritu ziren, Ozenki abesba­tzak Agurra abestu zuen eta auzoko hainbat pelotarik partidua jokatu zuten; izan ere, auzokideei leku berezia eman nahi izan zien Auzo Udalak. Palaz, Pagola eta Huizik 18-13 irabazi zieten Senper eta Irazustabarrenari; eta eskuz, Urkizu eta Aiz­pitarte 18-11 nagusitu zitzaizkien Erroize­nea eta Lizeagari. Luntx ederra ere izan zuten ondoren.