«Denon artean urtuko degu kartzeletako beruna»

Maiatzeko azken ostirala izan zen atzo eta hilabetero be­zala, ekitaldia antolatu zuen Herrirak preso eta iheslarien eskubideen alde. Oraingo ho­netan, bertsolariek egin zuten euren ekarpena eta besteak beste, Plazan elkartutako guztien artean bertso bat kantatu zuten: Nahiz ta bidea ez den laburra, bidea ez den leguna, denon artean urtuko degu kartzeletako beruna, askotan urrun dirudi baina, iritsiko da eguna, ostiralean festa handi bat Plazan egingo deguna. Hilabetero azken ostiralarekin bat egin duten talde eta elkarteei ere eskerrak emateko aprobetxatu zuten; hala nola: Txoko Feminista, Korri­ka, Biteriko dantza garaikideko ikasleak, Akelarrea, Gazte Asanblada, errugbi jokalariak, abeslariak eta bertsolariak. Herrirako kideek azpimarratu zuten guztien esku dagoela preso eta iheslarien eskubideak defendatzea eta gobernuen inmobilismoaren aurrean presio egitea. Bide horretan lanean jarraitzeko prest azaldu ziren.