Baratza egin nahi dutenek gaur dute izena emateko azken eguna

Antziola eta Sagastialden baratza egiteko lurrak prestatu ditu Udalak, Kutxa Eko­gu­nearekin elkarlanean. He­rri­ta­rren artean banatzeko dira lur-zati horiek. Denera, 72 par­tzela daude eta 37 herritarrek eman dute izena. In­te­re­sa dutenek gaur dute izena emateko azken eguna. On­do­ren, Udalak zozketa egingo du apuntatutako guztien artean. Izena emateko, eskaera orria bete eta Udal erregistroan utzi behar da, 20:00ak baino lehen. Es­kae­ra orriak erregistroan eta interneten daude: www.hernani.net.

Partzelak, 5 taldetan
72 partzela horiek 5 taldetan banatu dira: 6 partzela, interes bereziko erabiltzaileentzat; 16 partzela jubilatuentzat; 16 par­tzela langabetuentzat; 16 par­tzela 30 urtez azpikoentzat; 18 par­tzela gainerakoentzat. Ba­ra­tza hartzen duenak urte ba­te­ko kontratua egingo du, gehienez ere lau urtera luzatu litekeena. Ho­rre­tara­ko, 60 euro ordaindu beharko dira, eta ur­tero KPIaren arabera al­da­tuko da kanona. Baratza mo­du ekologikoan egin behar­ko da eta horretarako ikas­taroak eman­go ditu Kutxa Ekoguneak. Udalak eta Ekoguneak hainbat proiektu dauzkate elkarlanean, jasangarritasunaren bidean; Baratze Par­kea bosgarrena da, hain zuzen.