Euskal Herria Bilduk kontzentrazioa egin zuen astelehenean, Lasarteko Lanbiden. 4.843 arrazoi, burujabetza eta eraldaketa soziala jartzen zuen pankartaren atzean, biharko Greba Orokorrerako deialdia egin zuten. Hernaniarrei ere dei egiten diete grebarekin bat egin eta kalera ateratzeko. «Gobernu zein patronalak mobilizazioetarako garaia ez dela esaten digute, baina ez gatoz bat. Garaia ez da, murrizketak egiteko, prekarizatzeko, pribatizatzeko eta eskubide sozialen aurka egiteko».
«Guztion artean eredu
publiko bat eraikitzeko»
Grebarako arrazoien inguruan honakoa azaldu dute: «235.000 arrazoi baino gehiago aipatu genitzake. Edozein laguntza sozial galdu duten milaka pertsonen izen-abizenak ere esan genitzake. Baina arrazoi bakar bat behar dugu: bihar kalera aterako gara, Euskal Herria ezkerreko parametroetatik eraldatu nahi duen gehiengo soziala laguntzeko. Guztion artean, gehiengoaren eskubide sozialak babestuko dituen eredu publiko bat erakiko dugu».