Asteburua musikaz blai joan da Hernanin.

Musikazaleentzat asteburu aproposa joan da Hernanin. Ostiralean Haida eta Leokan rocka eta heavyarekin hasi, eta larunbatean erritmoak lasaiagotu zituzten abesbatzek: Kantuz eta Goiz Eguzki abesbatzek euren egunak ospatu zituzten, kalean eta Milagrosan kontzertuak emanda. Atzo Musika Eskolako txistulariak aritu ziren Arkupetan, eta dantzaldia izan zen Oialumen, swingaren erritmoan.