Liga bukatuta, Hernanik urrezko bi partidu ditu aurrean, mailaz igotzeko

Ondo irabazi zion Her­nanik Beriori atzo, eta etxeko lanak eginda, liga bigarren postuan bukatu dute Iker Dorronsoro­ren mutilek. Play offa jokatuko dute datozen asteetan, eta horixe zen aukera normalena. Izan ere, liga bukaera eroa izan da erabat, eta sekulako borroka jo dute aurreneko hiru taldeek. Atzo Oiartzunek ere ondo egin zituen etxeko lanak, eta irabazi egin zuen; beraz, liga lehenengo pos­tuan bukatu du, Her­na­nik baino 2 puntu gehia­go­rekin (78 puntu), eta zuzenean igoko da Hirugarren mai­la­ra. Real Union hirugarren ge­ratu da sailkapenean, eta azken arte borrokatu arren, ez du igotzeko auke­rarik. Hernanik 76 punturekin bu­katu du liga, eta zuzenean igoko zen, Oiartzun hain fin aritu izan ez balitz.

Hernani-Berio, emozioa eta urduritasuna
Ez zen emoziorik falta izan atzoko partiduan. Beriok ez zuen ezer jokoan, baina bizia arriskuan balute bezala jo­katu zuten donostiarrek. Ez alferrik; aurrean Hernani on bat zuten, eta 2-0 aurreratu ziren hernaniarrak, Bereziar­tua eta Plazaren golekin. Ge­roxeago sartu zuten donos­tia­rrek, eta 2-1 atsedenaldira.  

Bigarren zatian Hernani partiduari eustera atera zen, eta urduritasuna nabari ba­zen ere, plaza erakutsi zuten Dorronsororen mutilek. Ha­laxe bukatu zen partidua.

Urrezko bi partidu
Aste honetan jakingo da ze bi talderen kontra jokatuko du­en Hernanik. Urrezko bi par­tidu izango dira, den­bo­raldi polit bat errema­ta­tzeko ba­lio dezaketenak. Zaleek ere jarri­ko dute bere hondar alea...