Musika eta dantza, dantza eta musika, gaur Hernanin protagonista. Eguerdiko 12:30etan Musika Eskolako Txistulariak ariko dira Arkupetan, eta 9 kantu joko dituzte: Leoka, 1895eko bilduma, Osabarena, Errenderikoa, Euskal bilera, Maritxu, Pipirita eta Epele-Etxeberri, Eskerrak eta graziyak, eta Txobito (lehenengoa Patxi Apezetxeak moldatua, tartekoak ansorenatarrek, eta azkeneko biak Iñaki Egurenek). Guztira 12 txistulari ariko dira, Iñaki Egurenek gidatuta. Arratsaldean Oialumen izango da dantzaldia: Swing doinuan edo garai batean Woogi Woogi gisa ezagutzen zen doinuan ariko dira dantzan. Erakutsi ere egingo dute. 17:30etatik aurrera, 6 euroan, Oialume dantzalekuan.