Ana Marín: «Gobernu Taldeak eskatu diezaioke enpresari nere egoera konpontzeko, baina ez dio eskatu nahi»

Ana Marín Navarro herna­nia­rrak Kronikara bidali duen prentsa oharrean dio, Gobernu Taldeak ez diola eskatu nahi enpresari bere egoera konpon­tzeko. «Gobernu Taldeak ba­du ahalmena enpresari hori eskatzeko, Udalak enpresa kon­­­tratatzeko Kontratu Oina­rriek hala diotelako; baina ez du egin nahi». Ana Marinek ukatu egin ditu Gobernu Taldeak Kro­ni­kan kaleratutako prentsa oha­rrean esandakoak, eta erres­pontsabilitatea badaukala dio: «Gezurra da Gobernu Taldeak ardurarik ez daukanik. Ez enpresa honek, eta ez Udalak kontratatutako aurreko en­presek ez dute kejarik nik egindako lanarekin, eta hala aitortzen dute. 2012ko abuz­tua­ren 17an gutun bat jaso nuen, esanez, kurtsoa hastean (irailak 1) ez nuela lanean jarraituko. Enpresari galdetu nion zergatik, eta hark esan zidan, udal ordezkariek esan ziotela beste langile bat jar­tzeko nire postuan. Enpresak esan zidan, udal arduradunei erreklamatzeko erreklamatu beharrekoa. Beraz, Gobernu Taldeak badauka erantzu­ki­zuna guzti honetan». Udalak ez zuela bitartekari lanik egin ere esaten du Mari­nek: «Gezurra da. Udalak ez zuen arduraz jokatu eta ez zuen bitartekari lanik egin. Udal Zerbitzuetako Zinego­tzia­rekin hitz egiten saiatu nin­tzen, enpresak gutuna bi­da­li eta berehala. 50 egun pasa zi­ren hark ni atenditu arte, eta legez, 20 egun neuz­kan erre­kurtso bat jar­tzeko. Sindika­tu batean afiliatu nintzen, ahol­kula­ri­tza jaso ahal izateko. En­pre­saren kontra jo nuen, legez hark jarri zuelako beste pertso­na bat nire partez, nahiz eta udal ardu­ra­dunek eskatuta izan. Erre­kur­tsoa az­ken egu­ne­an jarri nuen, eta han­dik 25 egu­­netara atenditu ninduen Zi­negotziak. Berak aitortu zidan eurek eskatu zio­tela enpresari beste per­tsona bat hartzeko nire partez, baina fede onez egin zutela; eta gaia epaitegian bazegoen, niregatik zela, eta itxaron egin beharko zela». Marinek salatzen du, en­pre­sak indemnizazioa eman diola berriz lanean hartu be­harrean, eta hori «Erre­forma La­boral berriak enpresei ema­ten dien aukeragatik» dela: «Gobernu Taldearen ustez, epai­tegiak neri arrazoi eman, enpresak indemnizazioa or­daindu (1.800 euro), eta ho­rre­la konpondu zituen neri era­gindako kalte guztiak. Baina hor gauza asko izkutatzen ditu. Batetik, epaitegiak esan zue­nean ni modu ezegokian ka­le­ratu nindutela, baita ere esan zuen berriz hartu behar nin­dutela lanean, eta bitarte ho­rre­tan kobratu ez nituen sol­datak ordaindu behar zi­tzaiz­kidala; baina sindikatuek eta Gober­nu Tal­de­ko alderdiek hain­bes­te kri­ti­katzen duten Lan Erreformari esker, epai­leak baita ere esan zuen en­pre­sak indemnizazioa ordaindu deza­keela. Eta enpresak zer egiten du? Ba, ekonomikoki gehien komeni zaiona: indem­nizazioa ordaindu. Udal or­dez­kariek nahi badute, nahi­koa dute enpresari esatea ni har­tzeko berriz lanean; nik 1.800 euro bueltatuko nituzke, eta kitto. Hori balitzateke bitar­tekari lanak egitea, baina nahi egin behar da. Kontu horiek guz­tiak, eta xehetasun gehiago alka­teari kontatu nizkion bi gutunetan, 2013ko martxoaren 8an eta apirilaren 18an. Eran­tzunik ez dut jaso, orain arte, Hernaniko Kronikan prentsa oharra irakurri arte». Azkenik, honakoa dio Ma­rinek: «Beraz, 1) Gobernu Tal­deak BAI, badauka ardura ho­ne­tan guztian. 2) Ez du bi­tar­tekaritzarik egin. 3) Erreforma La­boralaren arabera kaleratzea onartu du. 4) Eta ajola zaiona da hau guztia publiko egitea eta nik 800 firma biltzea. Baina egin beharko luketena da INJUSTIZIA hau konpondu».