Hamaika kantu gaur, Kantuz Egunean

Kantuz beteko dute gaur Hernani, bertako bi abes­batzek, bakoitzak bere eguna ospatzen baitu egun seinalatu honetan. Kantuz abesbatzak hamaika kantu kantatuko ditu, euskeraz ez diren bost eta euskerazko sei, 20:00etatik aurrera, Milagrosan. Goiz Eguzki abesbatza ere gaur ariko da, Euskal Kantak Kalez Kale emanaldian, eguer­­diko 12:30etan. Kaxkoan barrena ibiliko dira euskal kantuak kantatzen, eta on­doren bazkari eder batekin ospatuko dute, urteroko gi­san, abesbatzaren eguna. Bi zati izango ditu Kantuz abesbatzaren gaurko kon­tzertuak. Bost kantu kan­ta­tu­ko dituzte, euskerazkoak ez direnak, kontzertuari hasiera emateko: On suuri sun rantas autius, AbendliedJozef, Esta tierra, Mi viejo San Juan, eta Odi et amo. Bigarren zatian sei euskal kantu abestuko di­tuzte: Erribera, Oles ezkon­berriak, Nerea izango zen, Oi ama Euskalerria, Maritxu nora zoaz, eta Sorgin dantza.