Ostiralean Gipuzkoako Metalgintzako 50.000 langileak grebara deituta daude, sindikatu nagusi guztiek bat egin eta gero. LABek konbokatu du greba, eta gero batu zaizkio ELA, CCOO, UGT eta LSB-USO. Gipuzkoako Metalgintzako Konbenioaren defentsan deitu dute greba, eta Adegi Patronalari eskatu nahi diote Konbenio hori berritu dezala berriz ere. Izan ere, konbenio hori bukatu egingo da uztailaren 7an, eta berritzen ez bada, Espainiako Lan Erreformaren baitan geratuko dira langileak.
Miramonen eta Hernanin
Bi deialdi egin dituzte. Adegiren egoitza aurrean egin dute zita goizean, 11:30etan. Arratsaldeko 18:00etan manifestazioa egingo dute Hernanin, bailarako langileek, Karabelgo gasolineratik abiatuta.