Amezketa, aurkari zaila tokatu zaio Hernaniri, Gipuzkoako Herriarteko Txapelketa hasteko. Ostiralean jokatuko dituzte lehendabiziko hiru partiduak, Amezketan, 20:00etatik aurrera.
Emozio haundiko hiru
partidu, ostiralean
Kadeteek eduki dezakete giltza, itxura guztien arabera. Jubeniletan Amezketak bikote oso ona dauka, maila ederra ematen ari dena, eta galtzak bete lan izango ditu haiei irabazi behar dienak. Nagusietan, Hernani gehiago da, itxura guztien arabera, oso bikote sendoa baitauka, esperientzia bezain maila haundikoa. Kadeteetan dena dago ikusteko.
Emozio haundiko partiduak ikusiko dira ostiralean Amezketan. Bueltako partiduak, datorren asteburuan.
Finala uztailean
Aurten normalean baino beranduago jokatuko da finala Herriartekoan. Ez dago faborito argirik, baina denek aipatzen dituzte, Bidegoian, Berrobi, Azkoitia, Astigarraga... eta Hernani!