Aste musikatua izango da hau Hernanin, bihartik hasita. Musika Eskolen kontzertuekin hasiko da kontzertu festa, bihar eta etzi Hernani eta Usurbilgo eskolak izango baitira Biterin. Bihar, Hernaniko teklatu taldeak joko du, 19:00etatik aurrera. Ostegunean, Usurbilgo Musika Eskolako kideen txanda izango da, 18:30etan, Biterin bertan. Ez da horrekin bukatuko ordea, aste honetako musika eskaintza. Larunbatean Kantuz Eguna eta Kalez Kale Kantari emanaldia izango dira, eta igandean, musikarekin bukaera emateko, Musika Eskolako txistulariak ariko dira, 12:30etan, Arkupetan.