Urumea bazterrak garbiago daude atzotik. Hernani, Ereñotzu, Goizueta eta Aranoko Udalek egin zuten deia, ibai bazterrak auzolanean garbitzeko. Eguraldia ez zuten lagun izan, eta nabaritu zen boluntario kopuruan, eta garbiketa egitarako orduan. Hala ere, Hernani eta Ereñotzu artean 30 boluntario aritu ziren, heldu eta gazte, Urumea garbitzen; Aranoren kasuan 15 inguru. Goizuetarrek garbiketa lanak atzeratzea erabaki zuten eguraldi txarra zela eta; datorren astean egitekoak dira.
Bi kontainer, beteta
Antolatzaileek Kronikari aitortu ziotenez, ez zuten nahi adina garbitzerik izan: «Urumea leporaino zetorren, eta bazterrak urak hartuta zeuden. Beraz, ezinezkoa izan zen nahi adin zabor jasotzea».
Hala ere, baldintzak kontuan izanda, gustura zeuden egindako garbiketarekin: «garbiketa guztia kontuan izanda, bi kontainer bete ditugu, 2 metro kubikokoak baikoitza. Beraz, ez dago gaizki».
Guratrans proiektuko ekimenetako bat
Atzoko eta etorkizuneko garbiketa eta ekimenak Guratrans proiektuaren barruan daude. Proiektu honek Europako dirulaguntzak ibai eta uraren gestiora bideratzen ditu. Kasu honetan, helburuetako bat da herrialdeek markatzen duten muga gainditzea, esaterako: Urumea ibaiak Nafarroa eta Gipuzkoa zeharkatzen ditu; hau elkarrekin garbitzeko eta mantentzeko pausuak ematea da Guratransen helburuetako bat.