Preso eta iheslarien senideek kanpaina bat jarri dute martxan eta mahaiak jarriko dituzte gaur (11:30-13:00 Plazan) Reau Sud Franciliengo espetxera (Frantzia) eskutitzak bidaltzeko. Senideek azaldu dute, Euskal Herriko 4 preso daudela kartzela horretan eta horietako 3k bistarekin arazoak dituztela. «Bat oso egoera larrian dago, itsua geratzen ari da, eta behin eta berriro eskatu dute mediku oftalmologo bat espetxean sartzeko. Ez diote kasurik egiten». Eskutitzak espetxeko zuzendariari bidaliko dizkiote, mediku bat sartzeko eskatuz.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!