palestinako Nakba gogoratu eta hauen eskubideak aldarrikatzeko hainbat ekitaldi antolatu ditu aste osoan Palestinaren Alkartasuna taldeak. Hernanin, dokumental proiekzioa izango da gaur, 19:00etan, Biterin.
«Nakbak jarraitzen du, 64 urte eta gero»
Nakba Palestinan 1948ko maiatzaren 15ean gertatutako hondamendiari deitzen zaio. Israelgo sionismoak Palestinako herritarren hiru laurdenak bota zituen euren etxeetatik, ondasunak kendu zizkieten, herriak txikitu zituzten... «euren memoria eta identitatea ezabatzeko». Palestinarekin Alkartasuna taldeak dio, 64 urte eta gero Nakbak jarraitzen duela, eta Israelgo estatu sionistak edozein medio edo metodo erabiltzen jarraitzen duela Palestina mapatik borratzeko.