Suharri Rodriguez garaile, hiru pieza arrantzatuta

Urumeako txoko ezberdinetan egin zuten arrantza Hernaniko gazteek joan den igandean, Txantxan­gorrik antolatutako 43garren Amuarrain txapelketan. 10 pieza arrantzatu ziren guztira, 4 ordutan. Abilena Suharri Rodriguez izan zen; 3 amuarrain arrantzatu zituen, guztira 476 gramokoak. Bigarren Mikel Morales geratu zen, bi pieza arrantzatuta, 290 gramo guztira; eta hirugarren Gorka Lekuona 2 piezarekin eta 191 gramorekin. Amuarrain haundiena Aiert Rodriguezena izan zen, 219 gramokoa.