lokala eraberritu, ordenagailuak edo altzari berriak erosi... Hernanin dendak berritu nahi dituzten merkatariek dirulaguntza eskatu dezakete gaurtik ekainaren 17ra. Eskatzeko beharra edo aukera dutela uste dutenei ahalik eta azkarren egiteko gomendatu die Dinamizazio Bulegoak, uste baitute, dirulaguntza azkar bukatuko dela. Informazio gehiagorako: dinamizador@comercio-gipuzkoa.com helbidera idatzi edo 943 33 30 49 telefonora deitu; egoitza Ave Maria eraikinean dute.
Diruz lagundu
ditzaketen inbertsioak
Zehaztu dituzte diruz lagundu ditzaketen inbertsioak. Batetik: altzariak, ekipamenduak eta lokal kanpoko nahiz barruko elementuak (errotuluak barne). Eta bestetik: informatika ekipoak, aplikazioak eta hauen osagarriak, beti ere merkataritzarako badira edo enpresaren gestiorako.
Diruari dagokionean, dirulaguntza eskuratzeko egin beharreko inbertsio minimoak ere, zehaztu dituzte: lokala eraberritzeko eta eguneratzeko, 2.000 euro; eta informatika ekipoetarako eta aplikazioetarako, 600 euro.
Zenbatekin
lagunduko dute?
Lokala berritzea erabakitzen dutenek kostu totalaren %15eko laguntza jasoko dute, BEZa kontuan izan gabe. Informatika ekipoen kasuan, dirulaguntza kostu totalaren %20a izango da. Gehienezko dirulaguntza 12.000 eurokoa izango da saltokiko eta urteko. Informazio gehiago: www. comercio-gipuzkoa.com helbidean.