maiatzak 15, baserritarrek egun haundia dute gaurkoa, San Isidro eguna da, nekazarien zaindariaren eguna. Hernanin aspalditik ospatzen dute baserritarrek egun hau, eta gaur ere izango dute elkartu eta disfrutatzeko aukera, Udalak eguerdi partean antolatu dituen ekitaldiekin.
Meza lehendabizi
eta pelota partiduak
ondoren
Eguneko ospakizunak goizeko 11:00etan hasiko dira, San Joan Bataiatzailean San Isidroren omenez egingo den meza nagusiarekin (arratsaldean ez da mezik izango).
Ondoren, 11:30etan, Tilosetan izango du jarraipena festak. Pelota partiduak antolatu dituzte palaz eta eskuz. Palaz, Leire Lucas eta Garbiñe Tijerok jokatuko dute, Eneritz Perez eta Garazi Jauregiren kontra. Eskuz berriz, Arrieta eta Aizpitartek, Ojuel eta Lizeaga izango dituzte aurrean.