Txantxangorri elkarteak 43garren Amuarrain Txapelketa antolatu du Urumea ibaian. Gaur goizeko 09:00etatik 13:00etara izango da eta parte hartzaileak 08:30etan elkartuko dira Txantxangorri aurrean. Parte hartzeko, aurretik izena eman behar zen. Elkartean, arrantzaleen datuak hartuko dituzte eta ondoren arrantza gunera joango dira. Esan bezala, 13:00etan bukatuko da proba eta 13:30etan arrantzatutako amuarrainak pisatuko dituzte, Txantxangorriko lorategian. Momentuan bertan banatuko dituzte sariak. Lehenengo bazkideari edo kirol abonatuari urdaiazpiko bat emango zaio.
Kanpezura irteera ekainean, gaztetxoekin
Urtero bezala, Txantxangorrik irteera bat antolatu du arrantzale gazteentzat. Arabako Santikurutze Kanpezu herrira (Santa Cruz de Campezo) joango dira eta bertako lakuan Arrantza Txapelketa izango da. Bertara joan ahal izango dute 14 urtetik beherako neska-mutilek eta laguntzaileek. Irteera, ekainaren 8an izango da.
Prezioari dagokionean, ume bakoitzak 10 euroko kostua izango du eta heldu bakoitzak 15 eurokoa. Umeek bazkaria eraman beharko dute eta arrantzarako materiala, baldin badaukate.
Txapelketaz gain, beste hainbat ekintza ere izango dira: marrazki, argazki, idatzi eta txiste lehiaketak. Informazio gehiagorako:
615 757 596 (Juan).