Hamaikabat alderdiak prentsa ohar bidez salatu du, Udal Gobernuari hainbat gairen inguruko informazioa eskatu diola eta utzikeria izan dela nagusi. «Seriotasuna eskatzen diogu», gaineratu du. H1!ek azaldu duenez, 2012ko urtarrilean Udal Gobernuari eskatu zion, Udalak epaitegietan dauzkan gaien zerrenda, eta horiek eragin dituzten kostuen informazioa. «Azaroan berriz eskatu genituen eta oraindik ez dugu zirriborro bat ere jaso», azpimarratu du.
Bi gai Ogasun eta Ondare Batzordean sartzeko
H1!ek dioenez, aurtengo urtarrilaren 23an, udal ondareari dagozkion bi puntu, Ogasun eta Ondare Batzordean sartzea eskatu zuen: «Hain zuzen, Martindegiko bide publiko bati buruz eta Osiñagako Udalaren lursail bati buruzko informazioa. Lau hilabete eta gero, oraindik ez du Ogasun eta Ondare Batzordeko gaiordenean sartu ezta beste inongo batzordetan».
Horrez gain, H1!ek dio, otsailaren 5ean Garbitaniako Gerentearen kontratazioari buruzko espedienteak eskatu zituela EAJ-PNVrekin batera. «Oraindik zain gaude».
«H1!ek onartezina dela uste du Intxauspek zuzen-tzen duen Udal Gobernuaren opakotasuna».