Illarraren bueltan antolatutako ekintzek markatuko dute maiatzeko kultur agenda, Astigarragan. Bigarren urtez, Illarraren Jardunaldiak antolatu dituzte; aurten, bost eguneko iraupenarekin. Illar baratzak bisitatzera joango dira asteazken, ostegun eta ostiralean, 17:00etan, Murgia Jauregian; eta ekintza horiekin emango diete hasiera aurtengo Jardunaldiei. Ostegunean, Foruma eta pintxo potea antolatu dituzte; noski, illarra protagonista izango den pintxoekin. Ostiralean ere, Forumak irekiko du eguna, Roxario Jatetxean. Eta iluntzean, Illarra menua izango da aukeran, Astigarragako jatetxeetan. Azkeneko ekitaldiak asteburuan izango dira. Larunbatean, Astigarragako baratzak bisitatuko dituzte, ilar biltzea eta aletzea nola egiten den ikusteko. Eta igandean, Illarra Azoka jarriko dute Foru Plazan, Euskal Herriko produktuekin. Jokuak eta familia jarduerak ere izango dira; eta baita sukaldaritza erakustaldia ere.
San Isidro, asteazkenean
Zinea, antzerkia, literatur solasaldiak... ez dira faltako maiatzean. Aipatzekoak, bi ekitaldi, hauek: San Isidro jaia asteazkenean; eta Giza Proba jaia datorren igandean.