Urte gogorrak izan ziren Gipuzkoarentzat eta bereziki Donostiarentzat 1794-1814 bitartekoak, Konbentzio gerratik Frantsesterako urteak. Aurten 200 urte beteko dira Donostia sakeatu zutela eta su eman ziotela. Hernani Errotzen taldeak hitzaldia antolatu du asteartean, Xosé Estevez historialariarekin. Gertaera hauen aurrekariak eta bere teoria propioa kontatuko ditu, 19:30etan, Biterin.
Aurrekari asko:
Konbentzio gerra, hiru
inperioen arteko gatazka... Estevezek abuztuaren 31ko gertaeren aurreko urteak aztertuko ditu, gertatu zena kokatu eta ulertarazteko intentzioarekin. 1790 eta 1814 urte bitartean Gipuzkoaren egoera aztertuko du lehendabizi, ikuspuntu ekonomiko, soziologiko, demografiko, ideologiko eta politikoak landuz.
Historialariak dio, Konbentzio gerra izan zela aurrekarietako bat, 1793-1795 urte bitartean. Beste aurrekarietako bat Napoleonen ejertzitoak markatu zuela azaldu du; 1808-1814 bitartean hartu baitzuen hiriburua. Eta azkenik, Europako inperioen arteko gatazkak ere, eragin zuzena izan zuela dio historialariak: batetik, Napoleonen Frantziak geroz eta indar gehiago zuen; Britanikoa zen ordea, momentu horretan Europan agintea zuena; eta azkenik Borboniko Espainola, gainbeheran zegoena.
Aurrekarien tesi horretaz gain, Donostian gertatu zenaren teorioa propioa badu historialariak. Azken urtean ikertzen aritu da, eta horren berri emango du hitzaldian.
Hernanin ere, ondorioak
Donostia izan zen zalantzarik gabe kalte gehien jasan zituen herria, baina Xosé Estevezek dionez, ingurukoek ere sufritu zuten han gertatutakoa. Familia eta zauritu asko geratu ziren etxerik gabe, eta inguruko herrietara joan behar izan zuten, tartean, Hernanira. Gainera, aliatuen tropek herria hartuta zuten. Beraz, garai hartan jendez gainezka zegoen herria, eta Udalak aurre egin behar izan zien sortutako gastuei, arruinatu arte.
Afari tematikoa,
ostegunean
Paskual Larunberekin afari tematikoa antolatu dute ostegunean, 20:30etan, Gunean. Nafarroan ondasunekin gertaturikoaz ariko dira, diotenez, Elizak bere izenean jarri baititu herriarenak diren hainbat ondasun. Afarira joateko izena eman behar da aldez aurretik 943 55 60 11 telefonoan.
Dokumentala,
ekainaren 4an
Azkenik, eta zikloarekin bukatzeko, Donostia 1813 Hiru inperioen biktima dokumentala jarriko dute ekainaren 4an, Biterin. Aurretik, azalpenak emango dituzte Andrea Etxaniz eta Beñi Agirrek.