Ereñotzu, Hernani, Arano eta Goizuetako udalek elkarlanean, Urumearen ibaiertza garbitzeko deialdia egin dute; «antzeko arazoa dugula kontuan hartuta», diote. Ibaiertzak garbitzeaz gain, sentsibilizazio lan bat egin nahi dute ekimen honekin eta dei egiten diete herritarrei parte hartzeko. «Pike sanoa sortzeko» azaldu dute, Goizuetan 80 pertsona elkartu zirela.
Larunbatean da hitzordua, 08:30etan Hernanin eta 08:45etan Ereñotzun. 11:30etan hamaiketakoa izango da eta 13:30etan, buelta. Arropa egokia eraman behar da.
Izena ematen dutenak,
aseguratuta
Azaldu dutenez, garrantzitsua da aurretik izena ematea, besteak beste, seguruengatik. Izena emateko azken eguna asteazkena da. Izena emateko, Hernaniko Udalean: 900 840 090 edo atez-ate@hernani.net; Ereñotzuko Auzo Udalean: 943 55 10 00 edo ereinotzu@hernani.net.