Aurten ere, gidabaimenaren teorikoa dohainik ateratzeko aukera izango dute, azterketa euskeraz gainditzen dutenek. Izan ere, laugarren urtez, Buruntzaldeko Udalek eta autoeskolek kanpaina jarri dute martxan, 18 urte inguruko gazteek gidabaimena euskeraz ateratzeko. Zozketa egingo da, 2013 urtean atal teorikoa euskeraz gainditzen dutenen artean eta aukeratuek teorikoa dohainik izango dute, 400 euroko baliora arte. Diptikoak eta gutunak datorren astean hasiko dira banatzen etxeetara. Interesa dutenek inprimakia beteta entregatu behar dute autoeskoletan.
11 sari
Buruntzaldeko herri bakoitzean egingo da teorikoa doan ateratzeko zozketa. Denera, 11 sari zozketatuko dira: Hernanin 3, Lasarte-Orian 3, Andoainen 2 eta Astigarraga, Usurbil eta Urnietan bana.