Desafioarekin hasiko da Elkartasun Astea, gaur, Adarran, eta datorren larunbatean bukatuko dute, Elkartasun Egunarekin. Preso eta iheslarien aldeko astea da, giza eskubideak, konponbidea eta bakearen alde bideak zabaltzearen aldeko astea.
Desafioa Adarran
Hernani eta Donostiako gazteak desafioa jokatuko dute gaur, 11:30etatik aurrera: Adarrara igo eta jaitsi, gero lokotxak, eta azkenik traktore errubera mugitzen.
Asteartean hitzaldia, Espetxeak eta sorkuntza, 19:30etan Karboneran.
Ostegunean, bertso musikatuak, Garinen, 21:30etan.
Ostiralean mobilizazioa preso eta iheslarien alde, 20:00etan Plazan.
Larunbatean, azkenik, egun guztiko festa, goizean krossarekin hasita.