Sasoi betean gaur, etxeko torneoan

Zazpiko Torneoa jokatuko dute Hernaniko neskek gaur. Joan den larunbatean Mungiako Torneoa irabazi ondoren, konfiantzaz topera eta sasoi betean aterako dira zelaira. Bost talde izango dira Landaren lehiatuko direnak: Durango, Getxo, Uribealdea, Eibar eta Hernani bera. Torneoa ligaxka modura jokatuko da, denek denen aurka jokatuz, finalik gabe. Talde bakoitzak lau partidu jokatuko ditu, sei minutuko bi zatitan banatuta; beraz, denera 10 partidu jokatuko dira. Lehenengo partidua 15:30etan hasiko da eta azkena 18:30etan. Errugbi taldetik dei egiten diete herritarrei gaur arratsaldean Landarera azaltzeko, neskei babesa ematera eta hain ezaguna ez den zazpiko errugbia ezagutzera.