Jendetza bilduko da gaur Hernaniko Kaxkoan. Izan ere, Berria egunkariaren aldeko Kale Buelta antolatu dute. Goizeko 11:00etatik 14:00etara izango da aukera kale buelta egiteko, Plaza Berritik Gudarien plazarako tartean. Diru-laguntza emateko aukera ere izango da. Dagoeneko, Hernaniko 35 talde eta elkartek eman dute izena.
Tabernetako desafioa, Porrotx eta entzierroa, bertso saioa, Dady Jeff...
Kale Bueltak irauten duen bitartean, ekintza ezberdinak antolatu dituzte. Esaterako, tabernen arteko desafioa antolatu dute. Horrez gain, Ttarlak dantzatu egingo du, eta bertso saioa eta Dady Jeffen emanaldia ere izango dira. Porrotx pailazoarekin eta entzierro txikiarekin gozatzeko aukera ere izango dute umeek.
Montoiaren emanaldia, atzo
Berria proiektuak 10 urte bete ditu aurten eta atzo ere izan zen festa. Xabier Montoiak kontzertua eskaini zuen Biterin. Horrez gain, Martxelo Otamendi izan zen bertan eta proiekzio txiki bat ere bota zuten.
EGITARAUA
11:00, hasiera: Ttarla, Goiz Eguzki, Alkatea...
11:15, herriko ikastetxe guztietako irakasle, guraso eta ikasleak.
11:30, tabernetako desafioaren aurkezpena eta hasiera. Horrez gain, atletismo taldea, Mendiriz Mendi, AEK, Udal euskaltegia, pelotariak, arraunlariak eta Institutuko ikasleak.
11:45, txirrindulariak eta errugbilariak.
11:50, Axeri Dantza.
12:00, Banaiz Bagara, Kalez Kale Kantari eta San Joan Konpartsa.
12:00, Ttarla dantza taldearen emanaldia Plaza Berrin.
12:10, emakume korrikalariak.
12:15, Dobera, AMHER eta futbolariak.
12:20, Porrotx pailazoa eta entzierro txikia ibilbidean zehar.
12:30, gaztetxea eta Kantuz abesbatza.
12:35, bertsolariak eta Urgarden.
12:40, Bilgune Feminista.
12:55, Ozenki abesbatza, Judo elkartea, Herrira eta senideak.
13:00, Akelarreko kideak.
13:00, bertso saioa Plaza Berrin.
13:30, ekitaldi nagusia eta tabernetako ordezkarien desafioaren amaiera.
13:45, Dady Jeff-en emanaldia.
14:00, jaiaren bukaera.