Astelehenean hil zen Maite Landin Urrutia, Oiartzunen,
93 urte zituela. Bizkaitarra izatez, baina gero Gipuzkoara etorria, Maite Landin izan da Frankismoaren urterik beltzenen testigu zuzena, eta biktimen ahots ezagunenetakoa. Hernaniko hilerrian fusilatu zuten bere anaia, Juan Antonio, Aitzol eta beste askorekin batera. 2010ean Hernanin egin zen Oroimen Historikoari buruzko egunean, Landinek hitz gogorrak eta hunkigarriak esan zituen, Frankismoko biktima guztien izenean: «...Politikoek zer egiten dute? Itzalari begiratu. Egia jakin beharra dago, ezin da izkutatu. Eta galdera bat: non dago 200 pertsona fusilatutako pareta hura? Zergatik bota zuten? Markatua zegoen, bala zuloz eta odolez... hura zen astakeriaren lekuko, eta monumentu». Geroztik, 2011n liburua kaleratu zuen: Punto final. Ultima testigo.
* Frankismoko egun beltz haiek... (Hernaniko Kronika 2010/10/18 )