Lab sindikatuak eskualdera ekartzea erabaki du aurten Maiatzaren 1eko aldarrikapena. Hori horrela, Buruntzaldeko manifestazioa Hernanin egingo da. Eguerdiko 12:00etan abiatuko da Gudarien plazatik. Borrokatu, matxinatu eta irauli Euskal Herria izango da lema: «Erreforma eta eraso guztiei aurre egiteko prest gaudelako eta hemen, Euskal Herrian eta Buruntzaldean alternatiba eraikitzen hasi garelako», azaldu dute.
Aberastasunaren banaketa
LABek proposatzen dituen hainbat alternatiba honakoak dira: «Burujabetza politiko eta ekonomikoa aldarrikatzen dugu. Ezinbestekoa da eredu sozial berri baten eraikuntzan. Horrez gain, aberastasun banaketan oinarrituko den lan harreman eta babes sozial eredu berria aldarrikatzen dugu».
Dei egin diete langile guztiei, borrokara gehitzeko.