Bertsoak eta Xabier Montoiaren kontzertua, maiatzari musikaz ekiteko

Maiatz musikatua joango dela esan liteke, kultur agendari begiratu bat emanez gero. Hamabi ekitaldi behin­tzat badira, musika edo kantuarekin lotura dutenak, eta ostiralean bertan bi izango dira: Eskolarteko Txapelke­ta­ko kanporaketa, hainbat ume ekarriko dituena, Bite­rin, 16:00etatik aurrera. Ge­roago, Xabier Montoia ariko da, 20:30etan, Berria egunkariaren alde.

Berria egunkariaren alde, ostiral eta larunbat
Berriak 10 urte bete ditu aurten, eta haren aldeko ekitaldiak izango dira bi egunez. Ostiralean Montoiaren kon­tzertu aurretik Martxelo Ota­mendik hitz egingo du, eta bideo proiekzio bat ere eman­go dute, Harkaitz Cano, Maialen Lujanbio eta Lorea Agirrek egina.

Larunbatean, Kaxkoan ibiliko dira Hernaniko taldeak, Be­rria besazpian hartuta, Kale­bueltan, 11:00etatik aurrera.

Erromeria, Txalaparta Festa, eta sei kontzertu
Hernani’n Musikek beste kontzertu haundi bat ekarriko du Biterira, maiatzaren 10ean: Egunsentiaren kantak. Bertan ariko dira Joxan Goikoetxea eta Iosune Marin hernaniarrez gain, Pier Paul Berzaitz, Erramun Martiko­re­na, Magali Zubillaga, Txe­ma Garcés, eta abar...

Maiatzaren 11n hiru ekitaldi izango dira: Kalez Kale Kan­tari, San Joan Konpar­tsaren Erromeria, eta Igel­do­ko Lez­karri abesbatzaren kon­tzertua, Ozenkik antolatua. Txa­laparta Festa hilaren 16-18an, eta 22tik 26ra bost kontzertu: Musika Eskolako teklatu taldea, 22an; Usur­bilgo Zumarte musika eskolaren kontzertua 23an; Kantuz Eguna eta Euskal Kantak Kalez Kale 25ean; eta Musika Eskolako txistulariak 26an.

Hiru erakusketa, haurrek eginak

Haurrek parte hartze polita dute maiatzean. Hiru era­kus­keta jarriko dituzte Bi­terin: Bide Heziketari buruzkoa (maiatzak 6-10), Biteriko tailerretako lanen erakusketa (maiatzak 23-30), Ingurume­na­ri buruz egindako erakusketa (maiatzak 27-31).

Elkartasun Eguna maiatzaren 11n izango da eta San Isi­dro maiatzaren 25ean. Zi­le­gi Es­koletan bi ikastaro izango dira: Euskal Dan­tzak (maia­tzak, 6, 13, 20, 27), eta De­fentsa Pertsonala (maia­­tzak 28, 29). Zorion­ta­suna lortzeko ikastaro mentala, maiatzaren 8an izango da. Ipuin ordua maia­tzaren 28an; Literatur So­la­sal­­diak maia­tzaren 8 eta 21ean.