lan hitzarmen bat eskatzeko, bost eguneko greba egiten ari dira Hernaniko 26 langile, Gipuzkoako beste 3.000rekin batera. Subkontratatuta dauden langileak dira, eta lan baldintza hobeak eskatzen dituzte. Lan hitzarmenik gabe geratzen badira, Espainiako lan erreformak zuzenean eragingo die, eta horrek ekarriko luke baldintzak asko kaskartzea. Horregatik, ELAk eta LABek deitu dute greba, Adegiri eskatzeko, lan hitzarmen bat nahi dutela. Biharko enpresak aurreakordio bat sinatu du langileekin, baina horrek Hernaniko langileei ez die eragiten, Eulen enpresan baitaude. Hernanin 26 langile daude egoera horretan: Eguneko Zentroko langile guztiak, eta Zaharren Egoitzan gauez lanean ari direnak. Gipuzkoan, guztira 6.000 heldu daude zentro horietan. Protestak egingo dituzte goizero (08:00-10:00) Txantxillako sarrera inguruan, eta asteazkenean, 11:00etan, Zinkoenean. Kronikari jakinarazi diotenez, Hernanin langileen %100ek bat egin du grebarekin. Zerbitzu minimoak %50ekoak izango dira.
26 langile greban, ostiral arte
Gipuzkoako helduen zentroetan greba egiten ari dira subkontratatuta dauden 3.000 langile inguru. Hernanin 26 daude egoera horretan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!