Alkateen Batzordea, gaixotasun larriak dituzten presoen alde lan egiteko

Alkateen Batzordea sortu dute Bilduko zazpi Alkatek,  gaixotasun larriak dituzten presoen alde lan egingo due­na. Batzorde honek asmoa dauka kontaktu erronda bat egiteko, Euskal Herriko, Es­painiako eta Europako administrazioekin. Frantziak eta Espainiak blokeo politikoa egiten duela salatu dute, eta eskatu, egoeraren erresoluzioan pau­soak emateko.
Batzorde berria atzo aurkeztu zuten Hernaniko udaletxean, batzordea sortu du­ten sei alkatek: Luis Intxaus­pe (Herna­ni), Mi­ren Mendi­nueta (Arbizu), Julen Men­do­za (Errenteria), Argia Itu­rrarte (Ondarroa), Pablo Ba­rrio (Lasarte-Oria), eta Ma­riaxun Gaztelu (Larra­be­tzu). Aguraingo Maider Gar­cia de Vicuña ere Batzordean izango da, atzoko prentsaurrekora azaldu ez bazen ere.

15 preso egoera horretan, tartean Garikoitz Arruarte
Alkateek azaldu zutenez, euren herrietan dauzkate presoak, gaixotasun larriak dituztenak, eta euren eginbeharra da horien eskubideak defendatzea. «Jendeak eska­tzen digun justiziari eran­tzun nahian, herritarrak babesteko betebeharra sentitzen du­gu, eta hargatik sortu dugu Batzorde hau... Pausoak ema­­teko garaia da».
Hamabost preso daude gaixotasun larriekin, eta horietako bat hernaniarra da: Garikoitz Arruarte. Hain­bat gaitz dauzka Arruartek: be­giei eragiten dien Uveitisa, edo hezurrei eragiten dien Es­pondilitisa, beste batzuren artean. Atzo salatu zutenez, espetxean egoteak sekulako kaltea egiten die preso horiei, gaitzak areagotu egiten dizkielako. Horren erakusle, bizitza galdu duten Angel Figueroa eta Xabier Lopez.
Nazioarteko araudiak es­ka­tzen du preso horiek bal­din­tzapean aske behar luketela, eta hori betetzeko eskatu zuten atzo, «pertsona gisa eta preso gisa zor zaielako».