Garai bateko dantza saioen omenez, fandangoa eta arin arina

Txistulari Bandak kontzertua eman zuen atzo Milagro­san. Zortzi abesti eskaini zituzten Patxi Apezetxearen zuzendaritzapean. Tronpeta bikotea ere lagun izan zuten. Emanaldian, fandangoa eta arin arina jo zituzten, garai bateko dantza saioen omenez. «Lehen dantza egiteko jotzen zen txistua, bandarik ez baitzegoen. Orain, dan­tzarako, festetan bakarrik jotzen dugu», azaldu zuen Apezetxeak.