Zerbitzua zerbitzuaren truke, denbora moneta gisa erabilita

«Edozeinek du zer emana eta zer eskatua, beraz, Her­nanitruk denon egitasmoa da, guztion artean landu behar dena; herritarrentzat da. De­nek dute tokia, etorkinek, emakumeek, gizonek, gazte zein helduek...» dio Aikari Lizasok, egitasmoaren sor­tzaileak. Denbora Bankua jarri dute martxan Hernanin, jakintza eta zerbi­tzuak trukatuko dituen egitasmoa, eta gaur arra­tsal­dean aurkeztuko dute; interesa duen guztiak hitzordua du beraz, 19:00etan, Biteriko ikastaro gelan.

Elkartruke sistema, denbora kontuan izanda
Diruak ez du kabidarik Den­bora Bankuan. Izenak dioen bezala, herritarrek zerbi­tzuak edo jarduerak truka­tzen dituzte, eta denbora era­biltzen dute moneta gisa: zer zeren truke, adostutako den­bora jakin batean. Denbora bankua lankide­tzan, konfiantzan, gertutasunean eta elkartasunean oinarritzen dela diote sortzaileek, eta adin, etnia, sexu eta kultura desberdinen parte har­tzea bilatzen dela, besteak beste.

Hainbat truke
 Trukea zertan? bakoitzaren beharraren araberakoa izango da trukea, hala nola, be­har puntualak konpontzeko, gauzak ikasteko, jendea ezagutzeko, esperientziak elkartrukatzeko... beharra duenak languntza jasotzen du, eta trukean, beste pertsona bati laguntzen dio. Aikari Liza­sok dio, oreka bat bilatzen dela, ematen duenak badaki zerbait jasoko duela eta alderantziz: «askotan, zerbait ja­sotzen dugunean, gaizki sentitzen gara trukean ez badugu zerbait ematen. Egitasmo honetan ez zaude inorrekin zorretan, konpartitzea bila­tzen da, oreka».

Parte hartzeko bi modu
Egitasmoan parte hartu nahi dutenek, bi eratara egin de­za­kete: zentrura joanda edo internet bidez. Modu presentziala aukeratzen dutenek, Hernaniko Berrerabilpen Zentrura joan behar dute. Fitxa bat beteko dute, eta bertan azalduko dituzte eskaintzen eta eska­tzen dituzten trebeziak, beharrak eta disponibilitatea. Era berean, lehendik erre­gistratuta daudenek di­tuzten beharrak eta eskain­tzen dutena jasoko dute. Aldiz, Internet bidez egin na­hi duenak, www.berrera2. org web orria erabili behar du. Datuak emateko atala bertan du, eta momentu honetan Hernanin dauden behar eta eskariak ere, ikus ditzake.

10 ordu, hasteko
Erabiltzaile bakoitzak 10 or­du ditu hasteko, eta hauek gehitu edo gutxitu egingo dira, trukearen arabera. Bestalde, gogoratu dute zerbitzuek sortutako gastuak (materialak, joan-etorriak...) eskatu duenaren kontura joango direla. Erabiltzaileentzat topaketa edo bilerak antolatuko dituzte noizean behin, orainartekoa aztertu eta hausnartzeko.