Nafarroako ahotsak entzun ahal izango dira gaur Hernanin, Ozenki abesbatzak antolatuta. Lizarrako Ereintza abesbatzak emanaldia du Milagrosan eta guztira 13 kanta kantatuko dituzte, era guztietakoak. Joan den urtean Ozenkiko kideak izan ziren Lizarran, eta sekulako jendetza bildu zuten hango elizan. Kontzertu haren ondoren, aurten, Ereñotzuko korua izan da nafarrak hona gonbidatu dituena, eta gaur izango da aukera ahots gozo eta eder horiekin gozatzeko.
Lizarrako ikastolan sortutako abesbatza
Lizarrako ikastolak Gurasoak abesbatza sortu, eta handik gutxira pasa zen Ereintza abesbatza izatera. Ia 35 urte daramazki Ereintzak kantuan, eta hainbat herritatik paseak dira. 40 kide ditu Ereintzak, eta zuzendari lanetan Ramon Ayerra Gonzalez ari da.