«dena larunbata goiz batean: gidaren azalpenak entzunaz Hernaniko kaxko historikoa garai batean nola zen imajinatu, sagardogilearen azalpenak entzunaz sagardo pixka bat edan eta tren turistikoan paseotxoa egin». Hernaniko Udalak plan berezia egiteko deia egin die hernaniarrei eta kanpotarrei, datozen bi larunbatetan.
Taldean egiteko plan ederra
Txotx denboraldia bukatzeko bi asteburu falta dira, eta deialdi berezia egin du Udalak, eskaintza turistikoa aprobetxatzeko. «Familiarekin edo lagunartean hori guztia bizitzeko bi larunbat besterik ez dira gelditzen, apirilaren 20a eta 27a». Goizeko 10:30etan hasi eta bi ordu eta erdi inguru irauten duen plana da. Erreserba egiteko Hernaniko turismo bulegoan (emailez, gurutze-a@hernani.net; edo telefonoz 943 33 70 28). Prezioak: 0-3 urtekoek dohainik; 4-15 urtekoek 5 euro; eta 16tik gorakoek 10 euro.