iaz jaitsi eta aurten igo. Hori egin dezake gaur Hernanik Andoainen, berak baititu boleto gehien Preferente mailara igotzeko txartela lortzeko. Nahikoa du gaur jokatuko dituzten lau partidatatik bat irabazi eta bat berdintzea; edo hiru berdintzea. Andoainek hiru irabazi beharko lituzke, eta hori nahiko zaila da Jesus Navascues Hernaniko entrenatzailearen iritziz. «Andoainek arriskatu beharra dauka, eta horrek guri aukera asko emango dizkigu haren hutsuneak aprobetxatzeko». Gipuzkoako lehenengo mailan ari da Hernani, eta bigarren postuan dijoa, 26,5 punturekin. Bi txartel daude Preferentera igotzeko, eta bat jadanik bat lortua du Villabonak, 30,5 punturekin lehenengo postuan baita. Bigarren txartela dago jokoan, Hernani eta Andoainen artean jokatuko dute gaur. Andoain hirugarren postuan da, 25 punturekin. Laugarren postuan Gros D dijoa, 23 punturekin, aukerarik gabe.
Hernani laukote
onenarekin, Fernando Esnaola buru dela
Oso talde parekatua du Hernanik, eta hori izan du aurtengo armarik onena. Fernando Esnaola dute buru, edo tablero nagusia, eta berari dagokio beste taldeko onenaren kontra jokatzea. Aurten, partidarik galdu gabe dago, liga guztian. Breogan Estevez eta Mikel Apezetxea ere hor izango dira, maila oso ona daukaten jokalariak biak ere. Laugarrena Ricardo Osa izango da, ziurrenik, baina posible da Jesus Navascuesek jokatzea.
Esnaola vs Corral
partida gogorra
espero da
Andoainek ere laukoterik gogorrena eramango du azken asaltoa jokatzeko. Navascuesen ustez, Corralek (Hernaniko azken txapelduna) jokatuko du gaur, ligan partida bakarra jokatu duen arren. Ikustekoa izango da Esnaola eta bien arteko partida. Gainerako hiru partidak ere interesgarriak izango dira.
Hernani B, mirariaren bila Gipuzkoako bigarren mailan, Hernani Bk gaur miraria bilatuko du, Tolosaren kontra. Bosgarren dijoaz hernaniarrak eta bi lehenengoak igotzen dira. Gaur lau partidak irabazi eta gainerako zer egiten duten zai geratu beharko dute. Arratsaldeko 16:00etan izango da, Hernanin.