Orain dela hilabete inguru bukatu zuen Hernaniko nesken taldeak bere bigarren liga. Taularen erdialdean bukatu zuten. Lan eginez eta kemenarekin, taldea maila on bat lortzeko bidean doala erakutsi zuten. Erronka berriei ekiteko ere, indartsu dago taldea eta hori erakusten saiatuko da gaur. Udaberriko Torneoa jokatuko dute Getxon, Fadura zelaian, hain zuzen. Arratsaldeko 16:00etatik aurrera, Getxo, Uribealdea eta Durango izango dituzte aurrez aurre.
2 urte betetzear,
taldea osatzen
Nesken taldeak, laster, 2 urte beteko ditu entrenatzen hasi zela. Osatzen ari den taldea da oraindik, baina sendo eta ikasteko gogoz dabiltzala argi uzten dute egunerokotasunean. Gainera, kontuan hartzekoa da, 7 hernaniar joan zirela Euskadiko selekzioarekin, Estatuko autonomien arteko Txapelketara. Horrez gain, 3 jokalari konbokatuak izan dira 18 eta 20 urtez azpiko probetan parte hartzeko.