dantzari txikien eguna da gaur, eta goiz eta arratsalde, emanaldiak eskainiko dituzte herrian zehar. Dantzari Festaren azken txanpan da, eta ohi bezala, astebururako utzi dituzte ekitaldi nagusiak.
Ttarlako txikien
txanda, gaur
Ttarla dantza taldeko txikienak izango dira gaur, goizeko protagonista. 12:30etan Kaxkoan gora eta behera ibiliko dira, trikitiaren eta panderoaren doinura dantzatzen. Arratsaldean, Gipuzkoatik etorritako beste bost dantza talde izango dituzte lagun: Irungo Egoipar Meaka, Donostiako Eskola eta Trebeska, Astigarragako Astigar eta Errenteriako Ereintza. Guztiak elkarrekin ibiliko dira, eta herriko kaleetan barrena eskainiko dituzte dantza emanaldiak 17:00etatik aurrera (euria egingo balu, Atsegindegin).
Dantza giroa aprobetxatuta, Erromeria ere antolatu dute gaur. Jeiki Hadi taldeak jarriko du musika Plaza Berrin 19:00etatik aurrera
Egun haundia, biharkoa
Egun haundia, Euskal Herri osotik etorritako dantzariak elkartzen dituena, bihar izango da. Hamalau dantza taldek hartuko dute parte, goizetik arratsaldera bitarte.
Hernaniko kaleetan zehar kalejiran aterako dira goizeko 11:00etan, guztiak elkarrekin, eta ondoren, banatu eta auzo eta kaleetara joango dira.
Eguerdi partean, 13:30etan, eskainiko dute jendetza biltzen duen ekitaldia: Ikurriñaren dantza. Plaza luze adina zabal hartuko dute dantzariek, eta hainbat pieza dantzatuko dituzte elkarrekin; animatzen diren herritarrek ere, izango dute dantzatzeko aukera.
Nahikoa dantzatu ostean, elkarrekin bazkalduko dute dantzari eta soinujoleek, Atsegindegin. Eta bazkalostean, 18:00etan, erromerian aterako dira guztiak, asteari agur esateko.
Emanaldiak, Osiñagan eta Ereñotzun
Dantza emanaldiak izango dira Osiñagan eta Ereñotzun ere. Osiñagan, Lore Gazteak Arrasateko dantza taldea arituko da, 11:30etatik aurrera, Borda Berri etxearen aurrean.
Ereñotzun, berriz, bi emanaldi izango dira 11:30ak aldera. Aurten, frontoiko obrak direla eta, ezingo da plazan egin; beraz, eskolako patioan eta futbol zelaian egingo dira bi emanaldiak.
Bihar etorriko diren taldeak:
Gipuzkoa:
Ttarla - Hernani
Eskola - Donostia
Goizaldi - Donostia
Trebeska - Donosti
Meaka- Irun
Lore gazteak - Arrasate
Oñatz - Oinati
Illumbe - Trintxerpe
Araba:
Adurtza - Gasteiz
Bizkaia:
Arrizkugarri - Sestao
Nafarroa:
Orritz - Irutzun
Lapurdi:
Begiraleak - Donibane Lohizune
Zuberoa:
Atharratzeko - Atharratze
Nafaroa behera:
Iruski - Gabadi