Argizaiola izeneko dantza ikuskizuna izango da gaur, Gero Axular taldearen eskutik. Istorioa, XIX eta XXgarren mende artean kokatzen da, gerra eta istilu zibilen artean: Bere haurtzaroa ondo du gogoan: bera, azken ikazkinaren semea. Txikitan basora joaten zen aitarekin. Hark egindako txondor txiki bat zuen ezkutaleku. Urteak aurrera, aita hilda, herrira jaitsi zen lanera. Han bizi zen bakarrik, seme-alabak Ameriketara joanak baitziren, lanera. Astero azokara joatea zen bere ohitura. Apirilaren 27an korrika atera behar izan zuten... Emanaldia 19:00etan izango da, Biterin.
Erakusketako azken eguna
Astelehenetik, Euskal Jantzien erakusketa dago ikusgai Biterin eta gaur izango da azken eguna. Ordutegia: 17:00-20:00.