Dobera Euskara Elkarteak, Udaleku Ibiltariak antolatu ditu aurten ere. Uztailaren 15etik 26ra izango dira eta oraingoan, Bortzirietan ibiliko dira; Arantzatik Berara joango dira, hain zuzen. DBH 1, 2 eta 3ko gazteentzako dira udaleku hauek. Getxoko gazteekin batera ibiliko dira eta ur ekintzak, abentura kirolak... egingo dituzte.
Izen emate orria beteta
Izen ematea zabalik dago eta Doberatik jakinarazi dute kopurua mugatua dela eta lehenbailehen apuntatzeko. Horretarako, izen emate orria bete behar da eta Doberan entregatu, ordainagiriarekin batera. Prezioa: 245 euro; bazkideek, 200 euro.