Azken hiru urteetan egin bezala, Sagar Martxa antolatu du Udalak, Mendiz Mendi elkartearen laguntzarekin. Igandean izango da eta ohi bezala, Hernaniko sagardotegietatik ibilaldia egingo dute. Sagardotegi guztiak pasako dituzte, Alberro eta Larre-Gain izan ezik. Denera, 10 sagardotegi, hain zuzen.
9,5 km, denera
Plazatik goizeko 09:30etan abiatuko dira eta Karabeletik Martindegirako bidea hartuko dute, eta handik Osiñaga aldera: Akarregi, Rufino, Zelaia, Goiko Lastaola, Elorrabi, Iparragirre... sagardotegiak bisitatuko dituzte. 9,5km ibilaldia izango da, 2 ordu eta erdi inguruan egitekoa. Azken sagardotegia Itxas-Buru izango da eta bertan egingo dute hamaiketakoa. Jatekoa norberak eraman beharko du, baina edaria bertan emango dute.