«Arazo politikoaren parte gara eta pausuak ematen direnean, konponbidea heltzen denean itzuliko gara»

pausun elkartu ziren atzo mugaren beste aldean bizi diren hernaniarrak batetik eta 25 herritar bestetik, tartean, ezker aber­tzaleko eragileak eta uda­letxekoak. Hernaniko iheslarien eguna antolatu dute apirilaren 20an Ziburun, eta prentsau­rrekoa eman zuten horren harira.

6 hernaniar, ipar Euskal Herriko lurretan
Iparraldean bizi diren sei iheslariek hartu zuten hitza, eta esker hitzekin hasi zuten prentsaurrekoa: «zinez es­ker­tzen dizuegu hurbildu izana. Iparraldean bizi garen 6 her­naniarrak kate baten segida gara. Urte luzeetan hernaniar asko izan dira etxetik kanpo eta haiek danak ditugu gogoan: deserrian batzuk, exilioan besteak, klandestini­tatearen bazte­rre­an asko eta bizirik itzultzeko suertea izan ez dutenak».

«Etxea utzi genuen, libre itzultzeko»
Iheslariak borrokalariak dire­la gogoratu zuten, euskal mili­tanteak, eta etxeak libre buel­ta­­tzeko utzi zituz­tela azaldu zu­­­­­­ten: «ez gara bik­ti­mak, na­hiz eta zailta­su­nez be­teriko bi­zimoldea ego­ki­tu zai­gun. Bo­rro­ka­la­riak ga­­­ra, eus­kal mili­tan­teak. E­gun baldin­tzak ema­ten ari dira joan gine­nak baino li­brea­­go itzultzeko. Horrek ez du esan nahi ordea, berehala itzultzeko asmoa dugunik. Arazo politikoaren par­te ga­ra, eta urratsak au­rre­ra ema­ten diren heinean, kon­pon­bideak helduko diren ga­raian koka­tuko da gure itzul­e­ra. Ezin ditugu ahaztu gurekin batera arazoaren soluzioan garran­tzia duten kideak, ba­hi­tuta, espetxeetan bizi direnak».

Hernaniko iheslarien eguna
Ziburun, apirilaren 20an, Hernaniko iheslarien eguna antolatu dute. Autobusez joango dira 12:00etan, eta 21:00ak aldera itzuli. Autobu­serako eta bazkarira­ko txart­e­lak salgai daude, Garin eta Riojan, 20 euroan.

`Herria dugu arnas´ lelopean, ekimen berria
Arazoa konpontzeko pau­suak ematera dijoazela azpi­ma­rratu zuten, eta Herria dugu arnas ekimen berria mar­txan jarri duela euskal iheslari politikoen kolekti­boak. Ekai­nean, ekitaldia an­to­latuko du­te Lapurdin eta ha­ra joateko gonbitea ere luzatu zu­ten: «herria utzi genuen, bai­na herria gurekin darama­gu, eta herria behar dugu, gure arnasa delako, gure bizitzaren arda­tza, zuek gabe ez gara ezer, zuekin bagara zerbait».