buruko gaixotasuna duten pertsonen zaintza senideen esku geratzen da gehienetan, eta hauek erantzunkizun haundia izaten dute gaixoen integrazioan eta errehabilitazioan. Zeregin zaila izaten da behar duten arreta ematea, eta batzuetan, senideen harreman pertsonalak, laboralak, sozialak... okerrera egiten dute. Zaintzaileak trebatzea bilatzen du AGIFESek, eta behar duten informazioa eta prestakuntza emateko asmotan, ikastaroa antolatu dute Hernanin; Hernani eta inguruko zenbait udalek, eta Amarako eta Andoaingo Osasun Mentaleko zentroak ere, antolakuntzaren parte dira.
Hiru sesio
Ikastaroa apirilaren 11 eta 25ean, eta maiatzaren 9an emango dute, Biterin, 18:30etatik 20:30etara. Debalde izango da, baina parte hartu nahi duenak aldez aurretik eman behar du izena. Horretarako AGIFESera deitu behar du: 943 47 43 37 .