Extremadurara joan nahi duzula eta ez dakizula zer bisitatu? paraje ederrenak proiektatuko dituzte gaur arratsaldean, Biterin jarriko duten dokumentalean; 19:30etan. Extremadurako Jardunaldiak izango dira asteburuan Hernanin, eta bi egunetarako ekintzak antolatu dituzte. Biharkoa izango da egun nagusia, tradizioa bihurtu den gastronomia azokarekin. Dantza ikuskizuna eta turismo postua ere, ez dira faltako.
Caceres eta Badajoz, iparraldetik hegoaldera
Caceres eta Badajoz probintziek duten xarma erakutsiko dute gaurko bideo emanaldian. Argazki eta irudiak erakutsiko dituzte, bakoitzak merezi duen azalpenarekin. Tartean agertuko diren herri eta hiriak, hauek: Caceres hiriburu monumentala; Jerteko gereziondoak loretan; Merida kapital erromanikoa; Andaluziarekin mugan dauden herri txuriak..
Extremaduratik ekarritako jakiak probatu eta erosteko aukera
Gastronomia azoka goizeko 10:00etatik aurrera jarriko dute bihar, Atsegindegin. Urdaiazpikoa, txorizoa, odolkiak, gazta, ardoa, roskillak, floretak... Mokadutxo bat egin nahi duenarentzat, pintxoak jarriko dituzte aukeran; eta piezaka erosteko aukera ere, izango da.
Erakusketa ere jarriko dute bihar. Las Hurdes eta Guadalupe herrietatik ekarritako saskiak izango dira ikusgai.
Informazio turistikoa nahi duenarentzat, liburuak egongo dira salgai, eta diptikoak aukeran.
Koroa eta dantza
Eta festari bukaera emateko, Virgen de Guadalupeko koro eta dantza taldeen emanaldia antolatu dute. Bi sesio eskainiko dituzte: 13:00etan eta 17:30etan.