Gernika izango du aurrez aurre gaur Hernanik. Talde indartsua, inondik ere. Dena dela, lehenengo itzulian ligako jaun eta jabe izan ondoren, bigarren itzulia guztiz aldatu zaie bizkaitarrei. Arazo ekonomikoak tarteko, kalitate haundiko jokalari ugarik utzi dute taldea: Winston Wilson, Declan Cusack, Afa Amosa , Torres Suar... Hala ere, aurrean eskarmentu haundia duten jokalariak ditu Gernikak: Astarloa, Hernandez, Zabaloy, Lasa… Eta jokalari arriskutsuena ere bertan izango da: Jon Magunazelaia kapitaina. Hernani berriz, azken partidua La Vilari irabazita, indartsu dago eta borrokarako prest aterako da zelaira. Liga bukatzeko hiru partidu geratzen zaizkio eta horietatik errazena, nolabait esateko, gaurkoa izango da. Gernika hirugarren postuan dago. Gainerako bi partiduak, berriz, Quesos eta Santboianaren aurka izango dira, hain zuzen, liderraren eta bigarrenaren aurka.
Zaletuen laguntza
Hernanik gainera, zaletuen laguntza izango du gaur. Partidua 17:00etan hasiko da Landare zelaian.