Gernikak ez du galako taldea ekarriko bihar Landarera, ez da ordea partidu xamurra izango hernaniarrentzat. Azken txanpan da denboraldia, eta Hernanik garaipenak behar ditu, bat bestearen atzetik, mailari eutsi nahi badio. Alicantera bidaiatu zuen talde berdinak borrokatuko du bihar Landaren, 17:00etan hasiko den neurketan.
Aurpegi ezagun ugari izango ditu aurrean bihar Hernanik, eta halakoetan, gogoa berezia izaten da; motibazio punttua ematen die horrek. Zaletuak ere lagun izango dituzte, eta behar duten bultzada jasoko dute 80 minutuetan.
Gernikak baja ugari,
arazo ekonomikoak medio
Gernikaren kontra jokatu zuen Hernanik Ohorezko mailako aurreneko partidua. Ezin izan zuten neurketa hura irabazi, baina ez ziren kikildu, eta zuten guztia eman zuten.
Kanpoko eta bertako jokalariak fitxatu zituen Gernikak denboraldi hasieran: Winston Wilson, Declan Cusak, Afa Amosa... Jaun eta jabe izan ziren aurreneko bueltan ligan, eta Europan ere jokatu zuten estreinakoz. Bigarren itzulian arazo ekonomikoak hasi ziren. Soldatarik kobratuko ez zutela jakin, eta taldea uztea erabaki zuten zenbait jokalarik. Bihar Landararera etorriko den hamabostekoa ez da ligako onena, baina maila altuan jokatzen du Gernikak, beti.
Borrokara aterako da Hernani, Gernika menpean hartzeko gogoz
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!